Donald Trump ka bërë të ditur se Izraeli është “shumë i kënaqur” me marrëveshjen e arritur me Hamasin.
Të lidhura
None found
Sipas presidentit amerikan, askush nuk kishte besuar se realizimi i një marrëveshjeje të tillë me Hamasin do të ishte i mundur.
Gjatë një prononcimi, një gazetar e pyeti Trumpin nëse Izraeli ka dhënë garanci se e mbështet marrëveshjen për çarmatimin e Hamasit. Ai u pyet gjithashtu se cili proces do të ndodhë fillimisht: çarmatimi i Hamasit apo tërheqja e trupave të IDF-së nga Gaza.
“Bëhet fjalë për një hap të madh për Lindjen e Mesme. Gjendja në Gaza është tepër komplekse. Njerëzit janë shumë kompleksë dhe të vështirë. Në shumë raste janë të mrekullueshëm, ndërsa në shumë raste të tjera nuk janë edhe aq të mrekullueshëm”, u shpreh ai.
Trump nuk dha hollësi të tjera rreth marrëveshjes dhe nuk sqaroi se cili prej dy proceseve do të nisë i pari.
