Tre persona janë dëmtuar gjatë një konflikti të ndodhur rreth orës 00:30 në qytetin e Tepelenës. Sipas policisë, të plagosur kanë mbetur A. B., 39 vjeç, E. B., 41 vjeç, të dy vëllezër, si dhe M. B., 46 vjeç, djali i xhaxhait të tyre. Të tre janë banues në Tepelenë.
Ngjarja dyshohet se ka nisur për motive të dobëta dhe më pas situata ka përshkallëzuar në përdorimin e sendeve të forta. Personat e dëmtuar janë transportuar në spital dhe ndodhen jashtë rrezikut për jetën.
Të lidhura
None found
Policia ka nisur punën për identifikimin dhe kapjen e personave të përfshirë në konflikt.
Në njoftimin zyrtar thuhet se grupi hetimor po vijon veprimet për të zbardhur plotësisht rrethanat e ngjarjes, për të identifikuar personat e tjerë të përfshirë dhe për t’i vendosur autorët përpara përgjegjësisë penale.
“Rreth orës 00:30, në qytetin e Tepelenës, dyshohet se, gjatë një konflikti për motive të dobëta midis disa personave, kanë mbetur të dëmtuar, si pasojë e goditjeve me sende të forta, shtetasit A. B., 39 vjeç, E. B., 41 vjeç (vëllezër), dhe M. B., 46 vjeç (djali i xhaxhait të dy shtetasve të tjerë), të tre banues në Tepelenë. Të dëmtuarit ndodhen në spital, jashtë rrezikut për jetën”, thuhet në njoftimin e policisë.
Policia bëri të ditur se, pas përfundimit të veprimeve procedurale, do të japë një informacion më të detajuar për rastin.
