Gjatë ditës së sotme, deri në orën 19:00, në territorin e Maqedonisë janë raportuar 10 zjarre në hapësira të hapura. Shtatë prej tyre janë lokalizuar dhe shuar tërësisht, ndërsa tre vatra mbeten aktive.
Të lidhura
None found
Sipas Qendrës për Menaxhim me Kriza (QMK), një nga zjarret vazhdon në territorin e Komunës së Zhelinës, pranë fshatit Leshnicë e Epërme, ku flakët kanë përfshirë bar të thatë dhe pyll të përzier.
Një tjetër vatër është shfaqur në Komunën e Vallandovës, në afërsi të fshatit Udovë, përgjatë lumit Vardar. Në këtë zonë po digjet bimësi e ulët.
Zjarri i tretë aktiv ndodhet në Komunën e Dollnenit, mes fshatrave Cërnilisht dhe Strovija, ku janë përfshirë nga flakët bar i thatë dhe mbeturina.
QMK bëri të ditur se zjarret e tjera të raportuara gjatë ditës janë shuar me sukses. Ndërhyrjet u zhvilluan në komunat Dollnen, Kavadar, Kërçovë, Delçevë dhe Zhelinë, si dhe në dy lokacione në rajonin e Gostivarit.
