Lumir Abdixhiku, i rikonfirmuar në krye të LDK-së, bëri të ditur se nga nesër partia e tij do t’u rikthehet diskutimeve për krijimin e institucioneve të reja.
Të lidhura
None found
Ai shprehu mirënjohje ndaj delegatëve të Kuvendit të Jashtëzakonshëm për besimin që i dhanë sërish udhëheqjes së tij.
Abdixhiku deklaroi se, pas një ndërprerjeje të shkurtër, LDK-ja miratoi një deklaratë dhe një vendim lidhur me situatën politike në Kosovë. Sipas tij, shumica e delegatëve mbështeti angazhimin për garantimin e stabilitetit institucional dhe shmangien e zgjedhjeve të jashtëzakonshme, të cilat do të ishin të katërtat radhazi.
Kreu i LDK-së njoftoi se pezullimi i diskutimeve hiqet nga ky moment dhe se partia është e gatshme të bisedojë për institucionet. Ai sqaroi se me LVV-në fillimisht do të përcaktohen parimet e përbashkëta, ndërsa më pas do të zhvillohen diskutimet për ndarjen e pozitave.
