Në Kuvendin e Lidhjes Demokratike të Kosovës ka filluar votimi për të vendosur nëse kryetari i partisë, Lumir Abdixhiku, do të shkarkohet apo jo.
Të lidhura
None found
Mediave nuk u është lejuar të qëndrojnë në sallë pas përfundimit të fjalimit të Abdixhikut. Ndërkohë, KP ka mësuar nga burimet e veta se deputeti dhe anëtari i këtij kuvendi, Armend Zemaj, ka mbajtur një fjalim në të cilin ka renditur dështimet e Abdixhikut gjatë drejtimit të LDK-së.
Në diskutim ka ndërhyrë edhe një delegat i LDK-së nga Gjilani, i cili i ka akuzuar të “pakënaqurit” brenda partisë se synojnë ta rrënojnë shtëpinë e tyre.
Fjalimi është ndërprerë më pas, pasi është vendosur që debati të mos vazhdojë dhe të kalohet drejtpërdrejt në votim. Procesi po zhvillohet aktualisht, ndërsa 327 delegatët po thirren një nga një me emër për të votuar në mënyrë të fshehtë.
