Godina e një kompanie kineze në veri të Kuvajtit është goditur nga një sulm iranian me raketa, i cili la një viktimë dhe shkaktoi dëme të konsiderueshme materiale.
Të lidhura
None found
Ministria kuvajtiane e Mbrojtjes konfirmoi ngjarjen, duke bërë të ditur se një punëtor humbi jetën si pasojë e goditjes.
Përmes një njoftimi në llogarinë e ushtrisë së Kuvajtit në platformën X, zëdhënësi i Ministrisë së Mbrojtjes, Saud Abdulaziz al-Otaibi, deklaroi se ndërtesa e kompanisë pësoi dëme të mëdha.
Ky sulm është pjesë e një vale goditjesh me raketa dhe dronë që Irani ka kryer ndaj disa shteteve arabe në Lindjen e Mesme, mes tyre Kuvajti dhe Jordania.
Sipas deklaratave të Teheranit, shënjestra të këtyre sulmeve janë bazat amerikane të vendosura në këto vende.
