Brigjet e Groenlandës perëndimore u bënë skenë e një ngjarjeje të rrallë natyrore, teksa një bllok gjigant akulli pësoi një rrokullisje të beftë në ujë, duke prodhuar valë të fuqishme e potencialisht të rrezikshme.
Dukuria u dokumentua pranë qytetit Ilulissat, një destinacion i njohur ndërkombëtarisht për ajsbergët që shkëputen rregullisht nga akullnaja Jakobshavn. Xhirimet e këtij çasti u shpërndanë me shpejtësi në rrjetet sociale nga vendas e turistë të pranishëm në zonë.
Të lidhura
None found
Pamjet dëshmojnë përmbysjen e strukturës madhështore prej akulli, përmasat e së cilës përllogariten të jenë sa gjatësia e të paktën 12 banesave. Rënia e saj shkaktoi formimin e valëve të mëdha që u shtrinë fuqishëm në gjithë hapësirën përreth.
Pavarësisht energjisë së jashtëzakonshme të çliruar, autoritetet vendase njoftuan se nuk kishte asnjë person të plagosur dhe as dëme në infrastrukturë.
