Bashkëpunëtorja e drejtësisë Adela Kondakçiu në dosjen Veliaj-Xoxa, ka paraqitur mbrojtjen e saj në Gjykatën e Posaçme kundër Korrupsionit dhe Krimit të Organizuar.
Përmes avokatit, ajo ka deklaruar se nuk ka synuar përfitim personal dhe se përfshirja e saj në veprimtarinë e kundërligjshme ka ardhur si pasojë e ndikimit dhe udhëzimeve të Ajola Xoxës.
Të lidhura
None found
Mbrojtja ka theksuar se Kondakçiu nuk ka përfituar nga këto veprime, por ka bashkëpunuar me organet e drejtësisë dhe ka ndihmuar në sqarimin e rrethanave të çështjes, pavarësisht kostove personale të përballuara.
Në përfundim të seancës, avokatët kërkuan kohë shtesë për përgatitjen e konkluzioneve përfundimtare.
GJKKO e pranoi kërkesën dhe e shtyu seancën për në 23 korrik, ndonëse prokuroria kishte shprehur kundërshtimin e saj.
Ndërkohë, Ajola Xoxa dhe disa të pandehur të tjerë po gjykohen në një proces të veçuar, pasi për ta është pranuar gjykimi i shkurtuar.
