Teksa në Iran po mbahet ceremonia mortore disaditore për Ajatollah Ali Khamenein, ministri izraelit i Mbrojtjes, Israel Katz, ka përcjellë një mesazh të ashpër për drejtuesit iranianë.
Të lidhura
None found
Ai deklaroi se çdo udhëheqës në Iran që “përpiqet të çojë përpara planet për të shkatërruar Izraelin do të pengohet”.
Sipas zyrës së tij, ministri izraelit u shpreh: “Ajatollah Khamenei, funerali i të cilit po zhvillohet tani, u eliminua nga Izraeli sepse ai inicioi dhe udhëhoqi planin për të shkatërruar Izraelin në Iran dhe në të gjithë rajonin”.
Katz tha gjithashtu se goditjet e përbashkëta të SHBA-së dhe Izraelit kundër Iranit “eliminuan kërcënimet e menjëhershme ekzistenciale” për Izraelin, ndërsa dëmtuan rëndë kapacitetet strategjike të Teheranit.
Ministri reagoi edhe ndaj thirrjeve “Vdekje Trump”, që u dëgjuan gjatë ceremonisë mortore në Iran, të cilat i përshkroi si “të turpshme”, duke shtuar se ato “zbulojnë natyrën e vërtetë të regjimit të ajatollahëve”.
