Një vatër e fuqishme zjarri ka përfshirë komunën e Oraiokastros, afër qytetit portual të Selanikut në Greqi, duke u shtrirë në një zonë industriale dhe duke shkaktuar dëme të mëdha, ndërsa një hapësirë e gjerë është mbuluar nga tymi toksik.
Referuar mediave vendase, flakët shpërthyen të shtunën pasdite fillimisht në një zonë pyjore, përpara se të përhapeshin me shpejtësi drejt kompleksit industrial. Si pasojë, janë dëmtuar biznese dhe banesa. Ndërkohë, një fabrikë përpunimi nafte dhe një impiant riciklimi vijojnë të digjen, megjithëse zjarrfikësit po punojnë intensivisht për ta vënë situatën nën kontroll.
Të lidhura
None found
Për shkak të tymit toksik, autoritetet u kanë kërkuar banorëve të mbajnë dritaret të mbyllura dhe të shmangin sa më shumë daljet jashtë.
Gjatë operacionit për shuarjen e flakëve, pesë zjarrfikës kanë përfunduar në spital. Tre prej tyre kanë shfaqur probleme me frymëmarrjen, një është lënduar në dorë, ndërsa një tjetër është shtruar për shkak të lodhjes.
