Kryetari i Kuvendit, Afrim Gashi, ka përcjellë urime për popullin amerikan dhe institucionet e Shteteve të Bashkuara të Amerikës me rastin e 4 Korrikut, Ditës së Pavarësisë.
Të lidhura
None found
Në një mesazh publik, ai ka shprehur urimet e tij më të përzemërta, duke i dëshiruar popullit të SHBA-së paqe, përparim dhe mirëqenie.
“Me rastin e 4 Korrikut, Ditës së Pavarësisë së Shteteve të Bashkuara të Amerikës, u shpreh urimet e mia më të përzemërta popullit amerikan dhe institucioneve të tij, duke u dëshiruar paqe, përparim dhe mirëqenie”, ka shkruar Gashi.
Gashi ka theksuar gjithashtu se Republika e Maqedonisë së Veriut i jep vlerësim të lartë miqësisë së qëndrueshme dhe partneritetit strategjik me Shtetet e Bashkuara të Amerikës. Ai ka nënvizuar edhe peshën që ka mbështetja amerikane për zhvillimin demokratik të vendit, integrimin euroatlantik dhe stabilitetin në rajon.
“Jam i bindur se bashkëpunimi ynë do të vazhdojë të forcohet edhe më tej, në shërbim të paqes, sigurisë, prosperitetit dhe vlerave tona të përbashkëta”, theksoi kryetari i Kuvendit.
Në vijim të mesazhit të tij, Gashi e ka uruar sërish popullin amerikan me fjalët: “Urime Dita e Pavarësisë së Shteteve të Bashkuara të Amerikës!”.
