Katari dhe Irani kanë bërë të ditur se tregtia detare mes porteve të tyre ka rifilluar, pasi për një periudhë ishte ndërprerë lëvizja në këtë korridor strategjik të Gjirit Persik.
Të lidhura
None found
Në një njoftim të publikuar në rrjetin X, Ministria e Transportit e Katarit deklaroi se aktivitetet detare do të rinisin menjëherë.
Po ashtu, mediat shtetërore iraniane njoftuan se porti Al-Ruwais është rihapur për mallrat iraniane, duke sjellë edhe rikthimin e shkëmbimeve tregtare detare ndërmjet dy shteteve. Linja mes Al-Ruwais dhe portit iranian Dayyer vlerësohet si një nga rrugët tregtare më të shkurtra në Gjirin Persik.
Prej kohësh, Katari ka pasur një rol të rëndësishëm ndërmjetësues mes Iranit dhe Shteteve të Bashkuara, ndërsa vazhdimisht ka mbështetur dialogun për uljen e tensioneve në rajon.
Vetëm një javë më parë, autoritetet e Katarit kishin kërkuar ndërprerjen e përkohshme të lundrimeve dhe të aktiviteteve detare për shkak të shtimit të tensioneve në jug të Gjirit Persik.
