Brigjet perëndimore të Meksikës u goditën mbrëmjen e kaluar nga një tërmet me magnitudë 6.1 ballë, bëri të ditur Shërbimi Sizmologjik Kombëtar i vendit.
Epiqendra e lëkundjes u lokalizua në det, rreth 116 kilometra në jugperëndim të qytetit Guasave, në shtetin e Sinaloas, ndërsa thellësia fokale u regjistrua vetëm 5 kilometra.
Të lidhura
None found
Pikërisht për shkak të kësaj thellësie të ulët, tërmeti është ndjerë në disa zona pranë vijës bregdetare, por deri në këto momente nuk ka raportime për viktima, persona të lënduar apo dëme të mëdha materiale.
Ndërkohë, autoritetet meksikane po e ndjekin nga afër zhvillimin e situatës dhe po vazhdojnë kontrollin në zonat e prekura, teksa deri tani nuk është dhënë asnjë paralajmërim për cunami.
