Një stuhi breshëri që i ngjante dëborës ka goditur Kolonjën, duke shkaktuar dëme në vreshta.
Moti i keq në juglindje ka prekur edhe sektorin e bujqësisë. Në Kamnik, një fshat i thellë i Kolonjës, reshjet e forta të breshërit kanë zgjatur rreth 15 minuta dhe kanë sjellë dëmtime të mëdha në vreshtat e banorëve, të cilët tradicionalisht merren me këtë aktivitet.
Të lidhura
None found
Ndërkohë, pritet që dëmet në zonë të verifikohen nga një grup pune i Bashkisë Kolonjë.
Për fermerët e Devollit, Korçës, Maliqit dhe Kolonjës, kjo është hera e 6 radhazi që goditen nga breshëri, ndërsa deri më sot nuk kanë përfituar asnjë dëmshpërblim.
Në fillim hartohen procesverbalet nga punonjësit e bashkisë, në bashkëpunim me specialistë të drejtorisë së ekstensionit bujqësor. Më pas, këto dokumente dërgohen në Agjencia Kombëtare të Mbrojtjes Civile, e cila sipas rastit nuk ka kthyer asnjëherë përgjigje pozitive për kompensim.
