Holanda i dha fund rrugëtimit në Kupën e Botës 2026, pasi u ndal nga Maroku në fazën e 1/16 së finales me rezultat 1-1 dhe 3-2 pas penalltive.
Të lidhura
None found
Në këtë përballje, përfaqësuesja holandeze u shfaq tepër e tërhequr, me vetëm 30 për qind posedim të topit dhe pa arritur të vendosë presion domethënës mbi mbrojtjen marokene.
Pas ndeshjes, Ronald Koeman u përball me kritika të ashpra nga Zlatan Ibrahimovic, i cili shprehu hapur pakënaqësinë e tij për mënyrën se si ishte përgatitur Holanda për këtë duel.
“Unë mendoj se kjo humbje është faji i Koemanit, sepse nuk e njoha këtë ekip të Holandës”.
“Ai humbi me një identitet që nuk është identiteti holandez dhe kjo më zemëron. Humb me identitetin tënd… sepse ai është ai që je”, deklaroi Ibrahimovic për Fox.
Për këtë ndeshje, Koemani zgjodhi një skemë më të kujdesshme me pesë mbrojtës, duke u larguar nga tradita sulmuese që e ka karakterizuar Holandën. Megjithatë, trajneri e mbrojti këtë vendim edhe pasi skuadra u eliminua nga turneu.
Humbja ndaj Marokut i shtoi Holandës një tjetër zhgënjim nga pika e bardhë, teksa tashmë ka pësuar tetë humbje në dhjetë seri penalltish në historinë e saj.
