Gjatë vizitës së tij zyrtare në Vjenë, zëvendësministri në detyrë i Punëve të Jashtme dhe Diasporës, Kreshnik Ahmeti, u takua me deputetët që janë pjesë e Grupit Parlamentar për marrëdhëniet dypalëshe me Kosovën.
Në këtë takim u trajtuan raportet e afërta mes Kosovës dhe Austrisë, mundësitë për thellimin e mëtejshëm të bashkëpunimit, si edhe zhvillimet e fundit politike dhe të sigurisë në rajon dhe në Evropë.
Të lidhura
None found
Siç njofton MPJD, “Vëmendje e veçantë iu kushtua rolit të diplomacisë parlamentare në fuqizimin e lidhjeve ndërmjet dy vendeve. Palët shprehën gatishmërinë për intensifikimin e kontakteve dhe për bashkëpunim më të rregullt ndërmjet Kuvendit të Republikës së Kosovës dhe Parlamentit të Austrisë”.
Ahmeti i falënderoi deputetët për përkrahjen e vazhdueshme që Austria i ka dhënë Kosovës, duke nënvizuar rëndësinë e kësaj mbështetjeje për përparimin e agjendës evropiane dhe ndërkombëtare të Republikës së Kosovës.
