Forca e Sigurisë së Kosovës ka mbajtur garën ekipore “Forca 2026”, aktivitet i zhvilluar nga Komanda e Logjistikës në bashkëpunim me dy regjimentet e saj, në kuadër të Planit Vjetor të Aktiviteteve për vitin 2026.
Në këtë garë morën pjesë shtatë ekipe nga Komanda e Logjistikës dhe njësitë e saj vartëse, ndërsa aktiviteti u organizua në katër disiplina të ndryshme. Sipas FSK-së, synimi kryesor ishte verifikimi i përgatitjes fizike dhe i qëndrueshmërisë luftarake të pjesëtarëve të njësive.
Të lidhura
None found
Përgjatë zhvillimit të garës, pjesëmarrësit treguan profesionalizëm të lartë, disiplinë, përkushtim dhe gatishmëri të mirë fizike, duke vënë në pah rëndësinë që kanë stërvitjet e pandërprera dhe puna në grup për realizimin e detyrave ushtarake.
Në përfundim të aktivitetit, u shpallën ekipet më të suksesshme dhe u ndanë mirënjohje për pjesëmarrësit. Sipas organizatorëve, kjo garë reflektoi frymën e garës së ndershme, profesionalizmit dhe bashkëpunimit mes pjesëtarëve të Forcës së Sigurisë së Kosovës.
