Në bisedimet që po mbahen në Zvicër mes Shteteve të Bashkuara dhe Iranit është shënuar “përparim i madh”, deklaroi JD Vance.
Në një prononcim për mediat, ai e përshkroi këtë takim si historik, duke nënvizuar se drejtuesit e SHBA-së dhe Iranit nuk kanë zhvilluar më parë një takim në një nivel kaq të lartë, përveç kontakteve të muajve të fundit.
Të lidhura
None found
“Ne kemi bërë tashmë përparim të madh gjatë orëve të fundit. Ky është një takim historik”, tha ai.
Zëvendëspresidenti amerikan theksoi se delegacioni i SHBA-së gjendet në Zvicër për të shtyrë përpara diplomacinë dhe bashkëpunimin në rajon, me synimin për të hapur rrugë drejt një periudhe më të qëndrueshme në Lindjen e Mesme. “Ne shohim një të ardhme ku të gjithë mund të punojnë së bashku për të promovuar paqen dhe prosperitetin për të gjithë”, u shpreh Vance.
Takimet mes SHBA-së dhe Iranit po zhvillohen me ndërmjetësimin e Katarit dhe Pakistanit, ndërsa fokusi mbetet te siguria rajonale, çështjet ekonomike dhe ulja e tensioneve në Lindjen e Mesme.
