LSDM deklaron se “të gjithë e dinë” arsyen pse ZNAM iu bashkua, sipas tyre, “koalicionit të tenderit me grupin e krimit të organizuar OBRM-PDUKM”. Sipas kësaj partie, Maksim Dimitrievski fillimisht tradhtoi subjektin e tij politik dhe më pas edhe votuesit që e mbështetën.
“Pasi partia nisi të shpërbëhej, deputetët dhe këshilltarët filluan ta braktisnin njëri pas tjetrit. E vetmja gjë që mbeti ishte që Makso ta ‘përpunonte’ avancimin që mori nga Mickoski. ZNAM nuk është parti politike. ZNAM është një satelit i OBRM-PDUKM-së, një shoqatë e themeluar dhe e financuar nga Hristijan Mickoski për të siguruar shkatërrimin e opozitës së vetme, për të ngatërruar votuesit dhe gjatë dy viteve të fundit për të pështyrë mbi opozitën”, thuhet nga LSDM.
Të lidhura
None found
Po ashtu, nga LSDM thonë se “programi i vetëm është interesi personal dhe quhet ‘xhep’”. “Tani, kur partia juaj po shpërbëhet dhe qytetarët që ju besuan janë mashtruar, pyetja e vetme që mbetet është: Kur do ta shpallë Prokuroria aplikimin për tenderët në Postë?”, deklarojnë nga LSDM.
