Këngëtarja Arsi Bako u shpall fituesja e Festivalit të Pranverës, me këngën “Humb”.
Festivali i Pranverës në RTSH erdhi pas dy dekadash ndërprerje të aktivitetit. Kënga fituese mori 260 pikë, 60% e të cilave prej jurisë profesionale. Në vend të dytë u rendit Herva Novaku me këngën “Zemër në dy hap” me 242 pikë, ndërsa në vend të tretë Jet me “Në derë do t’i qaj” me 174 pikë.
Të lidhura
None found
Rikthimi i këtij aktiviteti u konsiderua si një festë të madhe muzikore, ku u ndërthurën gara, nostalgjia dhe rikthimi i emrave të mëdhenj të skenës shqiptare. Në skenë u ngjitën emra që bënë historinë e Festivaleve të Pranverës, si Aleksandër Gjoka, Frederik Ndoci, Irma Libohova, Rovena Dilo, Eneda Tarifa, Jonida Maliqi, Dashnor Diko, Adhurim Demiri dhe Renis Gjoka, te cilet interpretuan këngët e tyre të kthyera në hite.
Festivali i Pranverës u zhvillua në sallën e Teatrit Kombëtar të Operës e Baletit dhe u prezantua nga këngëtarja Bleona Qereti dhe aktori Nik Xhelilaj, të cilët morën vlerësimin e spektatorëve.
