Nën presion, prodhuesi japonez i automjeteve Toyota ka ndërprerë donacionet për ligjvënësit amerikanë që kundërshtuan certifikimin e zgjedhjes së presidentit të SHBA-së, Joe Biden, më herët gjatë këtij viti.
Prodhuesi japonez, më i madhi në botë, tha se “do të pezullojë donacionet politike për ligjvënësit amerikanë që kundërshtuan certifikimin e fitores së Bidenit në zgjedhjet presidenciale në janar”, njoftoi sot “Kyodo News” me bazë në Tokio.
Njoftimi erdhi pasi u zbulua se Toyota kishte paguar rreth 56 mijë dollarë donacione për 38 ligjvënës që kishin votuar kundër certifikimit elektoral të Bidenit, duke tërhequr kritika nga grupet e shoqërisë civile në SHBA.
Toyota jep donacione ligjore për të dy partitë kryesore politike në SHBA, Demokratët dhe Republikanët.
Përpjekjet e ish-presidentit amerikan Donald Trump për të refuzuar të pranojnë humbjen në zgjedhjet e vitit 2020 në SHBA u mbështet nga 38 ligjvënës republikanë, duke thirrur në akuza diskredituese të mashtrimit zgjedhor.
Certifikimi i votës në Kongres është një proces rutinor, por këtë vit ajo u dëmtua nga refuzimi i Trumpit për të pranuar ndërsa një turmë e dhunshme sulmoi ndërtesën e Capitolit, duke kërkuar të mos pranohet rezultati zgjedhor.
Megjithëse fitorja e Bidenit u certifikua, përpjekjet për të përmbysur zgjedhjet vazhdojnë, të nxitura nga Trump, i cili shpreh pretendime të pabaza se do të rikthehet në detyrë këtë verë.
“Ne e kuptojmë që vendimi i PAC (Komiteti i veprimit politik) për të mbështetur anëtarët e zgjedhur të Kongresit që kundërshtuan rezultatet shqetësoi disa palë të interesuara”, tha Toyota në një deklaratë të enjten vonë.
“Jemi duke dëgjuar në mënyrë aktive palët tona të interesit dhe në këtë kohë kemi vendosur të ndalojmë së kontribuari për ata anëtarë të Kongresit të cilët zvarritën certifikimin në disa shtete të caktuara në zgjedhjet e vitit 2020”, shtoi prodhuesi japonez i automjeteve.
