Aurelien Tçuameni, ishte një nga lojtarët më të spikatur të ndeshjes që Real Madrid fitoi në fushën e Benfikës, ndaj edhe u zgjodh lojtari i sfidës nga UEFA.
Por pas duelit mes skuadrave, edhe vëmendja e tij ishte te episodi mes Vinicius dhe Prestiani, që ndaloi ndeshjen me protokollin e antiracizmit të aktivizuar nga gjyqtari Leteksie.
Si është Vinicius?
E vërteta është se kjo nuk mund të ndodhë. Na është thënë se djali e quajti ‘majmun’ me bluzën që i mbulonte gojën. Pastaj ai thotë se nuk tha asgjë, se tha “pede*ast”, por nuk ka rëndësi. Ne folëm si ekip dhe Vini na tha se duhej të vazhdonim të luanim. Nuk di çfarë të them. Do të flasim. Kjo nuk mund të ndodhë.
Për çfarë folët me Arbeloan?
Nëse ka ndonjë problem si ekip, ne do të largohemi. Por ne folëm dhe thamë se duhej të luanim. Ne luajtëm dhe fituam. Dhe tani shkojmë në “Bernabeu”.
Një fitore e madhe, përveç asaj që ndodhi me Vinin…“Është shumë e vështirë të luash këtu. Me tifozët, ekipin… 15 minutat e para ishin vërtet të vështira, por luajtëm një ndeshje të mirë. Shumë të bashkuar, që është gjëja më e rëndësishme. Nëse vazhdojmë të luajmë kështu, do të fitojmë shumë ndeshje, duke fituar duele, duke rikuperuar topat…
Bëtë presion të fortë dhe në mënyrë efektive.E vërteta është se të fillosh me Vinin dhe Kilianin si sulmues është një shembull për të tjerët. Me cilësinë e tyre, mund të arrijmë shumë. Do të fitojmë shumë ndeshje.
