Al Nassr humbet kundër Al Hilal dhe portugezi humb kontrollin. Sarkastik me trajnerin Jorge Jesus dhe gjeste të vetëdijshme para telekamerave.
Sfida e titullit në Arabinë Saudite është shndërruar në një mbrëmje makthi për Cristiano Ronaldo. Al Hilal i Simone Inzaghi triumfoi 3-1 dhe shkoi +7 në klasifikim ndaj Al Nassr, por skenën e mori reagimi i pakontrolluar i portugezit.
Të lidhura
None found
CR7 shënoi golin e avantazhit momental dhe më pas pa ndeshjen t’i ikte nga duart mes polemikash për gjykimin (karton i kuq për portierin Al Aquidi dhe dy penallti kundër). Nervozizmi kulmoi në momentet e fundit dhe rrezikon t’i kushtojë shtrenjtë edhe trajnerit Jorge Jesus.
Tensioni shpërtheu në minutën e 83-të, kur Al Nassr humbiste 2-1 dhe ishte me 10 vetë. Jorge Jesus uli në stol Ronaldon, i cili nuk u pajtua me lëvizjen dhe doli nga fusha duke tundur kokën dhe duke mërmëritur: “e pabesueshme”. Ai i shtrëngoi dorën trajnerit me një buzëqeshje sarkastike.
Zemërimi ishte edhe më i madh pas vërshëllimës së fundit të ndeshjes, pas golit të 3-të të Al Hilal me penallti. I vetëdijshëm se ishte inkuadruar nga kamera, Ronaldo pa nga telekamera dhe bëri gjestin e parave dhe të vjedhjes, duke lënë të kuptohet se ndeshja ishte vendosur të fitohej nga skuadra e trajnerit Inzaghi. Një akuzë e rëndë, që ndoshta vjen nga frustrimi. Për CR7 spektri i “zero titujve” në Arabi po bëhet më konkret.
Reagimi i Ronaldos gjatë zëvendësimit: (VIDEO)
Reagimi i Ronaldos pas golit të tretë: (VIDEO)
