Policia ka dhënë detaje mbi të shtënat me armë zjarri të raportuara mbrëmjen e djeshme në Elbasan.
Në një njoftim shpërndarë për mediat, uniformat blu bëjnë me dije se nga këqyrja e vendit ku dyshohet se ishte qëlluar, nuk u gjet asnjë gëzhojë apo predhë plumbi.
Njoftimi i policisë:
“Më datë 28.11.2025, rreth orës 20:30, shtetasi F. P., 66-vjeç, ka njoftuar në Polici se kishte dëgjuar të shtënë me armë zjarri afër banesës së tij, në lagjen “Vullnetari”. Menjëherë kanë shkuar shërbimet e Policisë dhe grupi hetimor, të cilët nga këqyrja e vendit ku dyshohet se ishte qëlluar, nuk gjetën asnjë gëzhojë, si dhe në pjesën e sipërme të banesës ku dyshohet se ishte qëlluar një herë me armë zjarri, nuk u gjet predhë plumbi. Vijon puna për sqarimin e rrethanave, si dhe për identifikimin dhe kapjen e autorit.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme”, njofton policia.
