Përpjekjet e Donald Trump për të heshtur Jimmy Kimmel duke ndërprerë shfaqjen e tij pasi ai bëri një koment në lidhje me vrasësin e Charlie Kirk u kthyen në të kundërt ndaj presidentit amerikan, pasi rikthimi i tij televiziv vendosi një rekord prej 6.3 milionë shikuesish dhe kjo vetëm në ABC, pasi ritransmetimi i tij në YouTube gjithashtu mblodhi miliona shikime. Videoja e monologut të tij të rikthimit madje theu rekordin e vendosur nga një monolog i mëparshëm që ai kishte vendosur tetë vjet më parë, ku ai foli për gjendjen e zemrës së të birit.
Prezantuesi i njohur, përpjekja për largimin e të cilit shkaktoi protesta në të gjithë SHBA-në, kishte materiale të reja për satirë pas komentit të Trump që lidhte acetaminofenin (që tregtohet atje me emrin e markës Tylenol) me autizmin. “Nuk e di kush i pati 48 orët më të çuditshme”, tha Kimmel në emisionin e tij të dytë që nga rikthimi, më 24 shtator. “Unë apo drejtori ekzekutiv i Tylenol.”
Ndërsa komediani Stephen Colbert njoftoi se shfaqja e tij do të përfundonte sezonin e saj këtë vit, Kimmel tha: “Udhëheqësi ynë kënaqet që amerikanët humbasin vendet e tyre të punës sepse nuk i duron dot shakatë. Ai arriti disi ta shkarkonte Colbertin nga CBS. Pastaj ai e ktheu vëmendjen tek unë, dhe tani po mbështet shkarkimin e Jimmy Fallon dhe Seth Meyers nga NBC – dhe qindra amerikanëve që punojnë në shfaqjet e tyre të cilët nuk fitojnë miliona dollarë. Shpresoj që nëse kjo ndodh – ose nëse ka ndonjë dyshim se do të ndodhë – zërat tuaj do të dëgjohen dhjetë herë më fort sesa u dëgjonë këtë javë .”
Më pas ai i uroi mirëseardhjen Robert De Niros, i cili shpesh e kritikon Trumpin, duke thënë: “Po iki. Disa shishe Tylenol ranë nga një kamion dhe duhet të gjej një mënyrë për t’i mbushur me autizëm”.
Shikoni një fragment nga komentet e Kimmel rreth Trump që “nuk është në gjendje të pranojë shaka”:
