Në orët e vona të mbrëmjes së djeshme, një vatër zjarri me përmasa të mëdha është shfaqur në afërsi të fshatit Sojnik, pjesë e bashkisë Gramsh.
Sipas banorëve të zonës, zjarri ka përfshirë një masiv pyjor të dendur.
Ndërhyrja e forcave zjarrfikëse është pothuajse e pamundur, për shkak të terrenit të vështirë dhe mungesës së aksesit rrugor.
Zjarri vijon të përhapet me shpejtësi, për shkak të erërave dhe thatësirës që ka përfshirë rajonin në ditët e fundit.
Autoritetet lokale janë në dijeni të situatës dhe kanë bërë thirrje për kujdes të shtuar nga banorët.
Ende pritet ndërhyrja nga ajri.
