Të shtëna me armë zjarri janë regjistruar pasditen e sotme në Durrës, në zonën e Shkafanës, ku raportohet se një 30-vjeçar ka mbetur i plagosur.
Nga informacionet paraprake bëhet me dije se i riu është transportuar në menjëherë në Spitalin Rajonal të Durrësit, pasi ka marrë plagë në këmbë. Mësohet se fatmirësisht ndodhet jashtë rrezikut për jetën.
Të lidhura
None found
Ndërkohë, nuk dihen ende rrethanat e kësaj ngjarje, ndërsa dyshohet se ka nisur për motive të dobëta. Po ashtu, bëhet me dije se policia ka arritur të identifikojë autorin e dyshuar dhe po punon për kapjen e tij.
Njoftimi i Policisë:
Durrës / U konfliktuan për motive të dobëta dhe gjatë konfliktit plagosën me armë zjarri një 35-vjeçar, Policia identifikon dhe shpall në kërkim dy shtetas.
Shërbimet e Policisë janë vënë në ndjekje për kapjen e dy autorëve të dyshuar.
Rreth orës 17:45, në Shkafanë, dyshohet se gjatë një konflikti për motive të dobëta, shtetasi A. D., 35 vjeç, ka plagosur me armë zjarri (pistoletë) shtetasin M. J., 35 vjeç, i cili ndodhet në spital, në kujdesin e mjekëve, jashtë rrezikut për jetën.
Shërbimet e Policisë, sapo kanë marrë njoftimin, kanë shkuar menjëherë në vendngjarje dhe, falë veprimeve të shpejta, kanë identifikuar autorin dhe bashkëpunëtorin e tij, shtetasin R. A., dhe janë vënë në ndjekje të tyre.
Grupi hetimor vijon punën për zbardhjen dhe dokumentimin e plotë të rrethanave të ngjarjes.
