VIDEO/ Joz Marku rikthehet në qendër të vëmendjes, shfaqet i qeshur me miqtë

Pas zhurmës së madhe që shkaktoi në gjysmëfinalen e Big Brother VIP Albania 4, këngëtari Jozefin Marku është rikthyer në rrjetet sociale me një tjetër video që ka bërë xhiron e internetit.

Në pamjet e publikuara, ai shihet i buzëqeshur, i rrethuar nga miq në një ambient në Tiranë, teksa përshëndet kamerën dhe bën shenjën e grushtit me dorën lart – një gjest që ka ngjallur menjëherë reagime të shumta.

Komentet në rrjet janë të ndara: disa e shohin si një tentativë për të ruajtur imazhin e tij si “i fortë”, ndërsa të tjerë e kanë quajtur gjestin të papërshtatshëm, sidomos duke pasur parasysh situatën e tensionuar pas incidentit me banorin Gjesti gjatë një transmetimi live.

Videoja e fundit ka rikthyer debatet rreth sjelljes së këngëtarit dhe mënyrës se si figura publike duhet të reagojë kur ndodhet në qendër të kritikave.