Në seancën e kësaj të marteje të dosjes “Plumbi i Artë”, i penduari i drejtësisë Nuredin Dumani, ka vijuar të dëshmojë para avokatëve të të pandehurve.
Radhën për të bërë pyetje në seancën e sotme e kishte avokatja e Altin Ndocit.
Nuredin Dumani: “Në momentin e ndalimit më kanë marrë në pyetje drejtori i Elbasanit dhe unë nuk i jam përgjigjur të korruptuarve. Fillimisht më kanë çuar në spital të Fierit dhe pastaj te “Ushtaraku” (Në Tiranë)!
Të pasnesërmen më kanë ardhur Kreshnik Ajazi, Tonin Vocaj dhe Çipa, drejtori i Policisë Elbasan. Nuk kam firmosur asgjë. Pas arrestimit, deklarimin tim të parë e kam bërë te spitali i burgut dhe aty kam firmosur”.
