Detaje të reja kanë dalë në dritë mbi aksidentin fatal të ndodhur ditën e sotme në aksin rrugor Tepelenë-Gjirokastër rreth orës 14:00 të mesditës. Në aksident u përfshinë dy automjete, njëri prej tyre ishte i ushtrisë i tipit “Mad” ndërsa automjeti tjetër i llojit “Volkswagen Cady”.
Viktima të këtij aksidenti kanë mbetur Pano Kalanderi 58 vjeç, i cili ishte drjetues i automjetit Volkswagen si dhe pasagjeri që po udhëtonte me të Shefki Salaria.
Sipas raportimeve, shkak për këtë aksident ëshrë shpejtësia në rrugë si dhe moskujdesia në drejtimin e mjetit. Gjithashtu është bërë me dije se mjeti ushtarak gjatë ditës së sotme po materiale të arkivit të Gjirokastrës.
Drejtuesi i automjetit të ushtrisë ndodhet në Spitalin e Gjirokastër ku po merr ndihmë mjeksore, ndërsa është jashtë rreziku për jetën.
Njoftimi i policisë:
Rreth orës 14:00, në aksin rrugor “Gjirokastër-Tepelenë”, në vendin e quajtur “Kthesa e Viroit”, automjeti tip “Volksëagen Cady” me drejtues shtetasin P. K., 58 vjeç, banues në Gjirokastër është përplasur me automjetin tip “Mad” (automjet i Ushtrisë), me drejtues shtetasin B. Gj., 54 vjeç, banues në Tiranë.
Si pasojë kanë humbur jetën drejtuesi i mjetit tip “Volksëagen Cady”, shtetasi P. K., dhe pasagjeri në këtë automjet, ende i paidentifikuar.
Gjithashtu, është dëmtuar lehtë shtetasi B. Gj., i cili po merr ndihmë mjekësore në Spitalin Rajonal Gjirokastër.
Grupi hetimor vijon punon për sqarimin e rrethanave të aksidentit dhe për identifikimin e pasagjerit që ka humbur jetën.
