Tensionet po shtohen në “shpellën” e Big Brother VIP Albania, ku të izoluarit Rozana Radi, Gjesti, G Bani dhe Klajdi po përballen me sfida të ndryshme.
Këtë herë, një debat i ashpër ka shpërthyer mes Klajdit dhe Rozanës, pas një akuze të bërë nga ky i fundit.
Gjithçka nisi kur Rozana i kërkoi sqarim Klajdit për deklaratat e tij, ku ai e akuzonte për performanca “playback”. “Pse e mendon këtë gjë?” – e pyeti ajo drejtpërdrejt, duke kërkuar një përgjigje të qartë.
Në këtë moment, ndërhyri Gjesti me një koment ironik: “Këndon live ti a? Pse po rren?”, duke shkaktuar të qeshura mes të pranishmëve dhe duke ndezur më tej atmosferën.
Megjithatë, faktet flasin ndryshe. Rozana Radi është një emër i njohur në muzikën shqiptare, me një karrierë të gjatë dhe të suksesshme. Ajo ka fituar dy herë festivalin “Kënga Magjike”, duke performuar gjithmonë live, si dhe ka marrë pjesë në një sërë kompeticionesh të tjera. Përveçse një këngëtare e talentuar, Rozana është edhe një tekstshkruese e njohur, me krijime që kanë lënë gjurmë në muzikën shqiptare.
Ky debat ngre pyetjen: A ishte kjo një strategji e Klajdit për të ngacmuar Rozanën apo një bindje personale? Çfarë do të ndodhë më tej në “shpellë”? Mbetet për t’u parë në episodet e ardhshme të BBVA.
