Skiatorja Laura Colturi, ka arritur sërish të jetë në mes më të mirëve në garën e skive. Në fazën e dytë të Kupës së Botës që po mbahet në Itali, ajo arriti të ngjitet në vendin e katërt
Ajo ka befasuar sërish me një rezultat fantastik, duke vazhduar surprizën e saj nën statusin e “hirushes” së këtij edicioni të Kupës së Botës në moshën 18-vjeçare.
Në nisjen e parë në Kronplatz ajo u rendit në vendin e tetë, duke dhënë përshtypjen e një pozicioni përfundimtar brenda 10-es së parë.
Por surpriza erdhi në lëshimin e dytë dhe final ku skiatorja kuqezi, përmirësoi më tej kohën e saj duke e parë veten në vendin e katërt, ndërsa para saj qëndron kampionia e botës Lara Gud Berhami që garon për Zvicrën apo rivales së saj të drejtpërdrejtë, kroates Zrinka Ljutiç.
Në këtë formë ëndrra e saj vazhdon duke qenë tashmë konkurruese, ndërsa Shqipëria po renditet në krye të listës së këtij sporti.
Colturi e nisi me lojë të fortë vitin 2025 kur u rendit e dyta në garën e Sllovenisë, duke ngritur flamurin shqiptar në podium.
Edhe në nëntor, ajo preku vendin e dytë në pistën e Austrisë.
Vendimi për të përfaqësuar Shqipërinë erdhi në majin e 2022, kur ajo u pajis me pasaportë shqiptare.
Duket se gjithçka erdhi pas një krisje të marrëdhënieve mes federatës atje dhe prindërve të Colturi-t, që çoi në këtë vendim.
