Ditën e sotme, Donald Trump, do të marrë sot zyrtarisht detyrën e Presidentit të Shteteve të Bashkuara të Amerikës.
Trump do të betohet për herë të dytë si President amerikan.
Ceremonia e inaugurimit të Donald Trump, do të mbahet rreth orës 18:00 sipas kohës tonë lokale.
Për shkak të kushteve të vështira atmosferike dhe motit të acartë, kjo ceremoni do të mbahet në ambient të mbyllur brenda Kapitolit.
Kjo është hera e parë në 40 vitet e fundit që inaugurimi i Presidentit të SHBA bëhet në këtë formë, për shkak të temperaturave tepër të ulëta.
Të dielën në mbrëmje, një ditë para inaugurimit, Presidenti i zgjedhur Donald Trump, mbajti fjalim përpara mbështetësve të tij në Uashington, ku theksoi se do të mbajë premtimet e tij sapo të marrë pushtetin.
Donald Trump, është Presidenti i 47 i Shteteve të Bashkuara të Amerikës. Ai pason në këtë detyrë Joe Bidenin.
