Të hënën do të jetë radha e Real Madridit në Kupën e Mbretit, pikërisht në fazën e 32-të kundër Minera-s. Duke folur në konferencën për shtyp në prag të ndeshjes së planifikuar, trajneri i Los Blancos, Carlo Ancelotti deklaroi: “Si ta përballojmë? Me entuziazmin e zakonshëm, është një kompeticion i rëndësishëm. Nuk është më i përshtatshmi për sezonin, por ne do të respektojmë fanellën dhe kundërshtarin”.
A mund të bëhet problem kompeticioni? “Unë mendoj se nuk do të jetë problem për sa kohë që jemi brenda në Kupë. Është problem kur largohemi, sepse Madridi përpiqet të luftojë në të gjitha garat. Problemi është nëse largohemi nga kompeticioni. Dy vite më parë shkoi shumë mirë, të luash finalen e këtij kompeticioni është shumë bukur dhe synimi është të shkojmë në finale, si gjithmonë”.
Penalltitë dhe ndryshimi i politikës: “Nuk më pëlqen që bëmë gabime. Edhe unë dua të na sqaroj këtë çështje. Do ta sqaroj para ndeshjes… mund të jetë Vini, Mbappé, Jude, Arda Güler. Është një aspekt teknik që është shumë i ndërlikuar për t’u menaxhuar. Ka gjuajtës të mirë, por ajo që ndryshon është ambienti në stadium”.
