Presidentja pro-perëndimore e Gjeorgjisë, ka thënë se ajo do të qëndrojë në post deri në mbajtjen e zgjedhjeve të reja parlamentare, ndërsa protestat vazhdojnë për vendimin e qeverisë për të pezulluar negociatat e pranimit në BE.
Duke folur për BBC, Salome Zourabichvili, e cila ka mbajtur anën e opozitës, e përshkroi parlamentin aktual si “të paligjshëm” pas akuzave për mashtrim në zgjedhjet e muajit të kaluar.
Zourabichvili tha se ajo do të ruante rolin e saj si presidente, pavarësisht se parlamenti i sapozgjedhur i vendit tha se do të zgjidhte zëvendësuesin e saj më 14 dhjetor.
Protestat masive në kryeqytet, po vazhdojnë të shpërthejnë për të tretën natë radhazi të shtunën në kryeqytetin Tbilisi.
Policia e trazirave është vendosur rreth parlamentit të vendit, pika qendrore e tre netëve të protestave.
Oficerët përdorën përsëri gaz lotsjellës dhe topa uji kundër protestuesve në orët e para të së dielës, teksa ata u përpoqën të largonin njerëzit nga ndërtesa e parlamentit.
Demonstrata po zhvilloheshin edhe në qytetet Batumi, Kutaisi, Zugdidi dhe rajone të tjera gjeorgjiane.
“Unë po e ofroj këtë stabilitet për tranzicionin, sepse ajo që kërkojnë këta njerëz në rrugë është një thirrje për zgjedhje të reja për të rikthyer këtë vend dhe rrugën e tij evropiane”, tha Zourabichvili.
