Një person i ka vënë flakën ndërtesës së parlamentit në Bukuresht, Rumani, dhe për pasojë 300 njerëz janë evakuuar.
Ngjarja ndodhi pasditen e kësaj të marte në zonën e vizitorëve, e cila përfshin një sallë ekspozite dhe dyqane suveniresh.
“Një burrë i moshës 60-65 vjeç ka ndezur zjarr në ambientet e ndërtesës së parlamentit rumun. Më shumë se 300 persona u evakuuan nga ndërtesa”, shkruajnë mediat rumune.
Zjarrfikësit kanë mbërritur menjëherë në vendngjarje, kanë lokalizuar zjarrin dhe kanë shuar flakët. Mediat rumune raportuan se autori i dyshuar arriti të arratisej, ndërsa policia publikoi fotot e tij dhe kërkoi ndihmën e qytetarëve për arrestimin.
In Romania, the President of the Chamber of Deputies, Daniel Suciu, reported that an unidentified person set fire to the Parliament building using gasoline. Suciu stated that legal actions will be taken in response.pic.twitter.com/x05vLyiYtT
— Volcaholic 🌋 (@volcaholic1) September 17, 2024
