Tre ushtarë amerikanë janë vrarë dhe 25 të tjerë janë plagosur në një sulm me dron në Jordani, raporton BBC. Komanda Qendrore e SHBA (CENTCOM) tha se sulmi ndodhi në një bazë në Jordaninë verilindore, pranë kufirit me Sirinë.
Presidenti amerikan, Joe Biden tha se sulmi u krye nga “grupe militante radikale të mbështetura nga Irani”. Kjo është hera e parë që ushtarë amerikanë vriten në rajon pas sulmit të Hamasit në Izrael më 7 tetor.
Ka pasur sulme në bazat amerikane në rajon, por deri më tani nuk ka pasur viktima nga ushtria amerikane.
“Ndërsa ne jemi ende duke mbledhur faktet e këtij sulmi, ne e dimë se ai është kryer nga grupe militante radikale të mbështetura nga Irani që veprojnë në Siri dhe Irak. Jill dhe unë u bashkohemi familjeve dhe miqve të të rënëve tanë, dhe amerikanëve anembanë vendit, në pikëllimin e humbjes së këtyre luftëtarëve në këtë sulm të neveritshëm dhe tërësisht të padrejtë,” tha Biden./albeu.com
