Policia e Fierit, falë operacionit policor “Sundimi i ligjit”, ka u arrestuar shtetasin Sako Buzi, 30- vjeç, pasi ai kishte përshtatur lokalin, me një sërë pajisjesh që shërbenin për lojëra fati.
Uniformat blu, kanë sekuestruar 7 njësi kompjuterike, lexues dhe printer për biletat e lojërave dhe 41 bileta.
Njoftimi i policisë:
“Fier/Vijon megaoperacioni i koduar “Sundimi i ligjit”, për goditjen e rasteve të organizimit të kundërligjshëm të lojërave të fatit.
Kishte përshtatur lokalin, me një sërë pajisjesh që shërbenin për lojëra fati, arrestohet në flagrancë 30-vjeçari.
Sekuestrohen 7 njësi kompjuterike, lexues dhe printer për biletat e lojërave dhe 41 bileta.
Si rezultat i administrimit të shpejtë të inteligjencës policore, të siguruar në vijim të megaoperacionit “Sundimi i ligjit”, me qëllim parandalimin, konstatimin dhe goditjen e rasteve të organizimit të kundërligjshëm të lojërave të fatit, specialistët për Hetimin e Krimeve Ekonomike dhe Financiare të DVP Fier zbuluan një tjetër lokal të përshtatur për këtë veprimtari të kundëligjshme.
Nga ndërhyrja në ambientet e lokalit, në lagjen “15 tetori”, shërbimet e Policisë kapën në flagrancë dhe vunë në pranga shtetasin S. B., 30 vjeç, banues në Fier, si dhe sekuestruan në cilësinë e provës materiale, 7 njesi kompjuterike, lexues dhe printer për biletat e lojërave dhe 41 bileta, që i shërbenin lojës së fatit “Gara me qen”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprat penale “Organizimi ose ushtrimi i lojërave të fatit në kundershtim me ligjin”, “Vënia në dispozicion e lokaleve për lojra të palejuara” dhe “Fshehja e të ardhurave”, njofton policia.
