Gjykata ka lënë në burg pa afat me qëllim ekstradimi Dritan Goxhajn.
Avokati Bashkim Nikolla u shpreh se klienti i tij nuk ka shkelur asnjë ligj dhe kërkesa për ekstradim duhet të rrëzohet. Por trupi gjykues nuk e ka marrë në konsideratë.
Dritan Goxhaj u arrestua me 31 korrik në Tiranë me kërkesë të Prokurorisë Speciale në Hagë dhe dyshohet për veprat penale pengim i punës së zyrtarëve dhe frikësim i dëshmitarëve sipas Kodit Penal të Republikës së Kosovës.
Goxhaj është djali i ish-zv.shefit të Shtabit të UÇK dhe kolonelit të njohur nga Shqipëria, Dilaver Goxhaj. Ai iu bashkua vullnetarisht luftës në Kosovë dhe ka qenë shoqërues i trupave amerikane gjatë vitit 1999.
