Mbrëmjen e djeshme, Nora Istrefi u bë pjesë e emisionit “Dua të të bëj të lumtur”.
Ajo ishte e ftuar për të bërë të lumtur një familje, por nuk munguan as surprizat për të.
Dikush dëshironte t’i jepte një mesazh live dhe ai ishte pikërisht, Robert Berisha, ish-bashkëshorti i Norës.
Roberti i tregoi edhe një herë rëndësinë që ka ajo në jetën e tij dhe u shpreh se e do fort.
“Nora dhe Renee, ju gjithmonë do jeni rruga e jetës sime. Ju dua fort”, u shpreh Roberti dhe deklarata e tij u duartrokit fort nga publiku.
Ndërkohë Nora e falenderoi dhe e vlerësoi shumë mesazhin e tij.
Në fund këngëtarja u surprizua edhe nga nëna e saj, e cila ndodh rrallë që të shfaqet në ekran.
Kujtojmë se Nora dhe Roberti i dhanë fund martesës së tyre muaj më parë, megjithatë ruajnë marrëdhënie të afërta me njëri-tjetrin.
