Provat e sotme për garën e Moto GP në pistën e Saksenring kanë sjellë momente ankthi pas një përplasje mes ish-kampionit të botës, Mark Markez dhe Johan Zarko.
Markez, sapo kishte dalë nga kthesa e parë, rrëshqiti me motorin e tij Honda dhe u përplas me francezin Johan Zarko, i cili sapo kishte dalë nga vija e bokseve.
Të lidhura
None found
Përplasja ishte aq e dhunshme sa motori Dukati fluturoi në ajër dhe u nda në dy pjesë, duke lënë në ankth të gjithë të pranishmit pasi u mendua më e keqja për Zarkon.
Për fat të mirë, ai nuk kishte pësuar asgjë dhe pas kontrolleve të rastit, hipi në motorin rezervë pak minuta më vonë për të vijuar provat.
