Shpejtësia dyshohet se ka qenë shkaku i aksidentit tragjik që i mori jetën Visar Meshit, 35 vjeç.
Meshi së bashku me dy persona të tjerë po udhëtonin me një makinë tip “BMW X5” në orët e para të mëngjesit të sotëm. Ngjarja ndodhi në aksin Tiranë-Durrës.
Mësohet se 35-vjeçari ishte pasagjer.
Dy personat e tjerë që ndodheshin në makinë, Ensid Hasanllari dhe Erenik Cakraj, njëri prej të cilëve shoferi i mjetit kanë mbetur të plagosur.
Mësohet se njëri prej tyre ndodhet në gjendje të rëndë për jetën, ndërsa tjetri në gjendje me stabël.
Shkak i aksidentit dyshohet shpejtësia mbi normën e lejuar në këtë aks, ndërsa pas këqyrjes së vendit të ngjarjes është konstatuar lagështirë në rrugë për shkak të reshjeve të shiut që ka shkaktuar përplasjen e makinës me mbajtësen anësore të rrugës./Albeu.com.
