Presidenti i Republikës, Bajram Begaj, ka reaguar pas shpërthimit të fuqishëm në Stamboll ku humbën jetën 6 persona si dhe mbetën të plagosur dhjetëra të tjerë.
Përmes një postimi në Twitter, Begaj shkruan se, lutjet e Shqipërisë janë për Turqinë dhe familjet e personave të prekur nga kjo tragjedi.
Ai thekson gjithashtu se Shqipëria dënon çdo akt që cenon njerëzit e pafajshëm.
“Lutjet tona janë për familjet e viktimave dhe të plagosurve nga shpërthimi vdekjeprurës në Stamboll, këtë pasdite. Të tronditur nga kjo tragjedi, ne qëndrojmë pranë Turqisë dhe dënojmë çdo akt që synon cënimin e njerëzve të pafajshëm!”, shkruan Begaj.
Our thoughts and prayers are with families of victims and injured persons of the deadly explosion in #Istanbul this afternoon. Shocked by this tragedy, we stand close to Türkiye and condemn any act aimed at harming innocent people.
— Bajram Begaj (@BajramBegajAL) November 13, 2022
