Kryeministri Edi Rama teksa merr pjesë në samitin e Ballkanit të Hapur në Ohër, ka komentuar edhe deklaratat e Ministrit të Jashtëm të Rusisë, Sergei Lavrov.
Rama në një bashkëbisedim me gazetarët shqiptarë tha se Ballkani është i mbyllur për Lavrov, duke iu referuar anulimit të vizitës së tij në Serbi.
“Mirëdita të gjithëve, duke qenë se sot ka pasur një pjesëmarrje shumë të konsiderueshme në krahasim me samitet e tjera dhe duke qenë se sot nuk jemi më tre në konferencë për shtyp, por pesë, nuk mund tu linim ju të Shqipërisë apo të tjerët që duan të bëjnë më shumë pyetje, jam këtu për ju.
Të peshkohesh kaq kollaj nga sarkazma e një personazhi të mirënjour botërisht për gjuhën e tij sarkastike, pastaj edhe nga manipulimi i kësaj sarkazme nga ata që i fryjnë zjarrit tën dasisë e urrejtjes për interesa në katundet ballkanike, është për të ardhur keq. Nëse zotëria do të ishte promovues apo mbështetës i Ballkanit të Hapur, do të ishte pjesë e Ballkanit, por për të është i mbyllur. Dhe për këtë arsye nuk ka marrë dot leje që të hyjë në Ballkan,” tha Rama
