Një video po qarkullon në rrjetet sociale, teksa është filmuar momenti i shkatërrimit të një tanku rus.
Video është regjistruar nga ekipi i televizionit kinez Phoenix, gjashtë kilometra larg korridorit humanitar në Mariupol.
Gazetarët raportuan shkatërrimin e tankut rus gjatë lëvizjes së tyre nga Ukraina lindore në Mariupol më 6 maj.
Chinese TV crew captures Russian tank turret going rocketing into the sky. A design flaw in many Russian tanks is that the ammo store is directly underneath the turret – if a hit detonates it, the turret goes straight up, sometimes reaching extremely impressive heights, like here pic.twitter.com/Flli1DK4t3
— Euan MacDonald (@Euan_MacDonald) May 11, 2022
Ngjarja ka ndodhur në drejtim të Azovstal. Në fakt, shpërthimi ishte aq i fuqishëm sa dhjetëra pjesë të tankut u hodhën lart në ajër. Nuk dihet ende se sa ushtarë rusë u vranë në shpërthim dhe nuk dihet nëse sulmi ishte nga toka apo nga ajri.
Kujtojmë se sot u bë e ditur se një nga tanket më të avancuara të ushtrisë ruse u shkatërrua nga forcat ukrainase, duke përdorur një armë portative antitank relativisht të lirë, të prodhimit suedez, Carl Gustaf 8.4 cm. Incidenti ndodhi në rajonin më të madh të Kharkiv. Në këtë rajon ukrainasit kanë rimarrë disa zona.
Lufta në Ukrainë po vijon në muajin e tretë të saj dhe duket se Rusia ka pësuar humbje të mëdha ushtarake./albeu.com/
