Policia ka vënë në pranga bashkëpunëtorin e kamerunasit i cili u arrestua disa ditë më parë për tentativën e futjes së 1 milion eurove të falsifikuara në vendin tonë.
Në pranga ka rënë shtetasi Z. N., 45 vjeç, me leje qëndrimi në një nga vendet e Bashkimit Evropian.
Njoftimi i policisë:
Tiranë
Vijon operacioni policor i koduar “Lastra”.
Shkon në 2 numri i të arrestuarve.
Në kuadër të operacionit vihet në pranga shtetasi Z. N., 45 vjeç.
Më parë, në kuadër operacionit policor të koduar “Lastra”, është arrestuar shtetasi J. N., 53 vjeç.
Në vijim të operacionit policor të koduar “Lastra”, për goditjen e aktivitetit kriminal për falsifikimin e kartëmonedhave dhe tentativës për ti futur ato në vendin tonë, specialistët e për Hetimin e Krimit Ekonomik dhe Financiar bënë arrestimin në flagrancë të shtetasit:
– Z. N., 45 vjeç, me leje qëndrimi në një nga vendet e Bashkimit Evropian.
Ky shtetas, në bashkëpunim me shtetasin J. N., (arrestuar në flagrancë më datë 17.02.2022) dyshohet se kanë tentuar të fusin rreth 1 milion euro të falsifikuara në vendin tonë.
Materialet iu referuan Prokurorisë së rrethit Gjyqësor Tiranë, për veprime të mëtejshme, për veprën penale “Falsifikimi i monedhave”./albeu.com
