Në një dalje publike, pak minuta më parë, Kryeministri i vendit, Z.Edi Rama, foli edhe për lehtësimin e masave për javën e ardhshme, gjithmonë, duke parë edhe shifrat e të infektuarve në rang vendi.
Ndër të tjera, Kryeministri Edi Rama tha se: “Nga e hëna, përveç transpotit publik, aktiviteteve sportive, kulturore në mjedise të mbyllura, nuk do kemi asgjë tjetër të mbyllur. Përveç transportit publik që do flas më pas, të gjitha do jenë hapur. Hiq bare dhe restorante në mjedise të mbyllura, teatro e kinema, palestra, lokale lodrash për fëmijë në mjedise të mbyllura, gjithçka do jetë hapur”, – duke mos dhënë një përgjigje të saktë nëse stërvitjet në grup dhe sezoni i ndërprerë, do marrin “OK-in” e Qeverisë.
Ndërkohë që në mbledhjen e kësaj fillimjave të FSHF-së me presidentëte e klubeve të elitës u vendos rifillimi i Superiores në 3 qershor, por që duke parë edhe deklaratën e kreut të UEFA-s, i cili thekson se “topin” e ka në dorë qeveria, atëherë duket se gjithçka mbetet sërish pezull…!
