Gjykata e Tiranës ka dhënë masat e sigurisë për të prangosurit e skemës së mashtrimit me Call Centerat.
Vetem izraeliti Rafael Gzenish si organizator dhe nje shtetas tjeter ne rol drejtursi (administrator) kanë marrë masa “arrest me burg”.
Për 33 personat e tjerë në rolin e opetarorëve dhe mbikqyrësve gjykata ka vendosur masa me të buta sugurie si detyrim paraqitje dhe arrest në shtëpi.
Kujtojmë se pas hetimeve disa mujore nga ana e Prokurorisë, forcat e rendit kanë zhvilluar kontrolle në subjektin “RG Capital”, duke kryer edhe arrestimit në flagrancë të 35 personave, nga të cilët njëri i huaj, konkretisht shtetasi izraelit “Refael Genish”, i cili nga hetimet ka rezultuar se është organizatori i kësaj veprimtarie kriminale, si dhe u proceduan në gjendje të lirë 20 shtetas. Në cilësinë e provës materiale u sekuestruan 123 pajisje kompjuterike, 60 pajisje të telefonisë së lëvizshme, 3 laptop, 2 USB, karta të bardha të ngjashme me ato të bankave, si dhe një sasi e vogël lënde narkotike e llojit kanabis sativa./albeu.com/
