FRPD ka shpallur zgjedhjet për kryetar të Forumit Rinor, një ditë pasi Belind Këlliçi dha dorëheqjen.
Ky është një proces që do të bëhet paralel me atë të nisur më herët nga Partia Demokratike.
FRPD ka hapur procesin e anëtarësimeve të reja për periudhën 15 nëntor deri në 20 shkurt të 2022. Kryesia ka vendosur të përpilohet një listë fjale e anëtarësisë së FRPD me të drejtë vote, jo më parë se 30 ditë nga mbyllja e procesit të anëtarësimeve.
Kalendari zgjedhor për zgjedhjen e kryetarit të ri në nivel dege dhe qendror duhet të jetë hartuar jo më vonë se më 30 mars 2022.
Sekretari i Përgjithshëm i FRPD, Grigels Muçollari është autorizuar që të ngrejë grupin e punës që do të drejtojë procesi e anëtarësimeve të reja në forum, si dhe për të ngritur Komisionin Zgjedhor Qendror të FRPD.
Kujtjojmë që kryedemokrati Lulzim Basha shpalli zgjedhjet e reja për kreun e FRPD, proces kundër të cilit doli kundër Belind Këlliçi.
Ky i fundit deklaroi se vendimi i Bashës është nul dhe i pabazuar në statutin e partisë. Kreu i FRPD iu bashkua foltores së mbajtur nga ish-kryeministri Sali Berisha në Tiranë. /albeu.com/
