EMRAT/ 6 të arrestuar për shitje të ilaçeve kontrabandë, pamje nga aksioni në Tiranë (VIDEO)

Polcicia në bashkëpunim me Prokurorinë e Tiranës ka vënë në pranga 6 shtetas për shitje të medikamenteve kontrabandë.

Arrestimi i Blerim BitriT, Florian Markut, Margarita Xhaxhiut, Jani Papulit, Florian Lilës dhe Bashkim Osmanit u bë pasi gjatë periudhës së Covid-19, këta shtetas në bashkëpunim me njëri-tjetrin, shisnin medikamente të dyshuara kontrabandë.

Materialet i kaluan Prokurorisë pranë Gjykatës së Shkallës së parë Tiranë, për veprat penale “Prodhimi dhe tregtimi i barnave dhe i paisjeve mjekësore të falsifikuara ose të rrezikshme për shëndetin” dhe “Tregtim dhe transportim i mallrave kontrabandë”.

Njoftimi i policisë:

Tiranë

Finalizohet pas një hetimi 10-mujor operacioni policor i koduar “Përfitimi”.

Operacioni i zhvilluar nga Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë.

Shisnin medikamente të dyshuara kontrabandë, gjatë periudhes së Covid-19,vihen në pranga 6 shtetas.

Sekuestrohen barna të ndryshme, një automjet dhe 6 aparate celular.

Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë, pas një hetimi 10-mujor, zhvilloi dhe finalizoi operacionin policor i koduar “Përfitimi”, në kuadër të të cilët u bë arrestimi i shtetasve:

1. B, 40 vjeç, administrator i një farmacie;

2. M, 39 vjeç, administrator i një farmacie;

3. Xh, 64 vjeçe, e dyshuar si dërguesja e mallrave kontrabandë;

4. P, 66 vjeç, i punësuar nga shtetasja M. Xh;

5. L, 40 vjeç, administrator i një farmacie;

6. B. O, 56 vjeç, administrator i një depoje farmaceutike.

Arrestimi i tyre u bë pasi gjatë periudhës së Covid-19, këta shtetas në bashkëpunim me njëri-tjetrin, shisnin medikamente të dyshuara kontrabandë.

Sekuestrohen në cilësinë e provës materiale barna të ndryshme, një automjet dhe 6 aparate celular.